Galego
O Ministerio de Agricultura rexeita implantar unha axuda de até 4 céntimos por litro para as gandarías de vacún de leite, unha medida de emerxencia que reclaman desde a Xunta de Galicia para compensar aos produtores pola perda de rendibilidade debido ao forte incremento dos custos de produción (pensos, gasóleo, plásticos, electricidade, salarios..etc).
Segundo informan dende o o departamento que dirixe Luís Planas esta axuda “non se axusta ao establecido na lexislación vixente”.
En concreto, advirten desde o Ministerio que a medida «vulnera a Lei da Competencia española». Ademais, lembran que «os servizos da Comisión Europea informaron de que esta proposta non encaixa dentro das exencións á competencia contempladas na Organización Común de Mercados Agrarios».
A prima que demanda Galicia, que concentra o 40% da produción de leite de España e o 55% das granxas, sería unha medida excepcional que se aplicaría durante este exercicio 2022 e que permitiría alcanzar os 41 céntimos por litro de leite. A esa cantidade habería que sumar logo impostos como o IVE ou a prima que cobran os produtores por calidades.
Reproducimos a continuación a resposta do Ministerio de Agricultura:
“En relación a la propuesta de instaurar una prima de emergencia en el precio de la leche, el Ministerio considera que esta propuesta es similar al acuerdo alcanzado en Italia sobre esta materia. Los servicios de la Comisión han informado que esta propuesta no encaja dentro de las exenciones a la competencia contempladas en la Organización Común de Mercados Agrarios y por otro lado también vulnera la Ley de la competencia española. Por todo ello, un acuerdo de este tipo no se ajusta a lo establecido en la legislación vigente”.
