Galego
O ambiente dos animais normalmente limítase ao que ocorre no establo e arredores, co cal se debería ter en conta ata seis áreas distintas: descanso, alimentación, muxido, circulación, ventilación e bioseguridade. Neste último capítulo centrámonos nos parámetros para monitorar na área de ventilación.
Orientación da nave: debe estar adaptada ás condicións climáticas da zona ou rexión. O eixo lonxitudinal debe ser perpendicular aos ventos dominantes. Débese protexer o norte da nave das choivas, se é o caso.
Correntes de aire a través do comedeiro: os ventos dominantes non deben cruzar o corredor de alimentación. A velocidade do vento no mesmo non debe superar os 8 ou 12 quilómetros por hora para evitar desperdicios de alimento.
Signos de ventilación escasa: débense evitar signos de ventilación escasa tales como humidade ou pingas de condensación nos teitos. Pódese consultar o índice combinado de temperatura/humidade relativa (THI).
Illamento dos teitos: colocando materiais illantes evítanse oscilacións bruscas de temperaturas e contribúen a manter unha temperatura constante no interior da nave. Neste sentido, a chapa sandwich pode ser un bo illante de frío e calor.
Deseño dos teitos: búscase facilitar o movemento e a circulación do aire (ventilación natural), de modo que a pendente dos teitos recomendada é de 12 centímetros de alto por cada 4 centímetros de ancho.
Abertura no cumio-cheminea: promove a renovación do aire. As medidas recomendadas son de 5 centímetros de alto por cada 3 cm de ancho.
Altura no cumio: medida desde o chan ao centro do teito. A maior altura maior mobilidade/intercambio de aire. A altura recomendable é igual ou maior a 7 metros ao longo do centro do cortello.
Altura da parede lateral: medida desde o chan ata a parte máis baixa do teito nos laterais do cortello. A maior altura maior facilidade para a entrada de aire. A altura mínima debería ser de 5 metros ao redor do cortello.
Aberturas laterais: as paredes laterais deben estar abertas entre o 75 e o 100% da súa altura para favorecer a renovación do aire. Como mínimo débense abrir 4 metros de alto en todo o perímetro.
Mallas nas aberturas: actúan como cortaventos. Débense utilizar segundo as necesidades.
Sistemas mecánicos: permiten manter as vacas frescas cando se superan os 20 graos. Para iso utilízanse ventiladores orientados sobre as vacas e fluxo de aire na mesma dirección. Recoméndase combinalo con aspersores sobre o dorso das vacas no comedeiro.
