Galego
O FEGA acaba de publicar os importes unitarios provisionais establecidos na campaña 2015/2016 para as axudas asociadas voluntarias ás explotacións de vacún de leite establecidas no Real Decreto 1075/2014 do 19 de decembro.
Son de 120,513316 €/animal na axuda destinada ás primeiras 75 vacas das explotacións situadas na rexión España Peninsular; 123,608115 €/animal para as primeiras 75 vacas das explotacións localizadas na rexión Insular e Zonas de Montaña; 58,001020 €/animal na axuda ás vacas distintas das 75 primeiras das ganderías da rexión España Peninsular; e 59,736457 €/animal para as vacas distintas das 75 primeiras das granxas leiteiras da rexión Insular e Zonas de Montaña. O importe unitario da axuda por dereitos especiais é de 189,081338 €/animal.
