O Servizo de Explotacións Agrarias de Ourense, dependente da Consellaría do Medio Rural, ten previsto realizar o vindeiro 30 deste mes en Xinzo de Limia unha xornada técnica sobre conservación da pataca.
A formación, que leva por título “Actividade informativa sobre illamento, climatización de almacéns de pataca e conservación dos tubérculos”, impartirase na Casa da Cultura de Xinzo de Limia (Ourense) en horario de 09:00 a 13:00 horas.
O programa é o seguinte:
9:00 h Técnicas de cultivo que inciden na conservación da pataca – Estela Ortiz De Landazuri- Cooperativa La Rioja Alta
10:30h Condicións de uso de hidrazida maleica 18% (SUPER- STOP-BROT 18) – Juan Giralt Thovar – PAMENA SL
11:05 h Condicións de uso de 1,4 dimetilnaftaleno 98% DMN (1,4 SIGHT) – Carlos J. García Ladrón – AGROFIELD SL
11:40 h Condicións de uso do aceite de menta 94,9% (BIOX-M) – Miguel Martínez Bartolomé – CERTIS EUROPE
12:15 h Condicións de uso do aceite de laranxa 843,2 HN (ARGOS) – Vicente Muñoz Colmenares – UPL IBÉRICA
12:50 h Rolda de preguntas
A inscrición á xornada é obrigatoria e gratuíta, mediante a presentación dunha solicitude que será enviada ao Servizo de Explotacións Agrarias de Ourense ou enviada ao correo electrónico sea.cmrm.ourense@xunta.gal Máis información no telévono 988 386 571
Esta actividade foi aprobada no Plan de Transferencia Tecnolóxica para o agro galego 2021, e cofinanciada polo FEADER nun 75%.