Galego
O Observatorio do Mercado Lácteo da Unión Europea ven de publicar as cotizacións desta semana do leite en po, do queixo e manteiga na UE, no que se confirma unha recuperación dos prezos, especialmente da manteiga, coincidindo tamén coas menores entregas de leite nesta estación. Pola contra, o queixo segue á baixa.
O prezo medio do leite en Europa no mes de outubro prevese que quede nos 0,435 euros o litro, un 20% menos que hai un ano.
No territorio comunitario as cotizacións desta semana para os produtos lácteos son as seguintes:
-Manteiga: 497 €/100 kg, +4,3 % nas últimas catro semanas
-Leite desnatado en po (SMP) 263 €/100 kg, +3,8 % ,,
-Leite enteiro en po (WMP): 362 €/100 kg, +3.7 % ,,
-Queixo cheddar: 348 € /100 kg -2,7%
Polo demáis, o prezo do leite spot en Italia subiu tamén esta semana até os 0,548 euros o litro.
En canto ás últimas cotizacións do Global Dairy Trade (GDT), a principal poxa nternacional de lácteos, operada pola cooperativa neozelandesa Fonterra, concluíu a desta semana cunha caída dos prezo dos produtos lácteos do 0,7%. Así, houbo unha baixada do 2,7% no leite en po enteiro -o seu principal produto de exportación-, mentres que o desnatado encareceuse un 2,3% respecto á última poxa. A cotización da manteiga subiu un 3,5%.
