O FOGGA publica a lista provisional de incluídos no réxime de pequenos agricultores

Publicidade
O FOGGA publica a lista provisional de incluídos no réxime de pequenos agricultores

O FOGGA ven de publicar a relación provisional de produtores incluídos no réxime simplificado para pequenos agricultores. É dicir, aqueles que en 2015 posúan dereitos de pagamento básico, en propiedade, usufructo ou en arrendamento e o seu importe total de pagos director a recibir sexa inferior a 1.250 €.

Segundo publica hoxe o Diario Oficial de Galicia, a relación de solicitantes de axuda que serán integrados no dito réxime simplificado para pequenos agricultores pode consultarse na sede electrónica do Fondo Galego de Garantía Agraria: http://mediorural.xunta.es/fogga/ .A información relativa aos importes estimados pode consultarse na sede electrónica do Fondo Español de Garantía Agraria: www.fega.es .

Os interesados que non queiran participar no réxime de pequenos agricultores deberán notificar a súa decisión de renuncia á Dirección do Fondo Galego de Garantía Agraria antes do 15 de outubro de 2015.

Se se renuncia a este réxime non se poderá volver solicitar a inclusión no mesmo

A partir de 2015, só se poderán incorporar novos agricultores ao réxime de pequenos agricultores nos casos nos que se lles asigne dereitos de pago a través da reserva nacional e vaian percibir menos de 1.250 euros en concepto de axudas directas, así como aqueles produtores que se incorporen a este réxime a través dunha cesión

Lembrar tamén que a pertenza ao réxime de pequenos agricultores é incompatible coa percepción de calquera outro pago directo. E no caso de que un agricultor renuncie á súa participación neste réxime non poderá volver solicitar a súa inclusión no mesmo.

Por último, destacar que durante a súa participación no réxime para os pequenos agricultores, os agricultores deberán manter polo menos un número de hectáreas admisibles correspondente ao número de dereitos activados no ano 2015.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información