Galego
Africor Lugo organiza este sábado, 11 de maio, unha poxa de gando frisón na vila de Sarria. Será ás 12:00 horas no mercado gandeiro, e nela colaboran o concello, a cooperativa AIRA, a Xunta de Galicia e Xenética Fontao.
Nesta ocasión poxaranse 17 animais, dos cales 14 son primeirizas e o resto xovencas próximas ao parto.
“Hai moitos animais con proba xenómica, animais A2A2 e animais procedentes das mellores familias americanas, unha boa ampla oferta para escoller os animais que mellor se axusten as súas necesidades”, destacan dende Africor Lugo.
Engaden que “é a mellor acosición para mercar animais, pois trátase de exemplares procedentes de ganderías de Lugo, cunha sanidade e xenealoxía contrastadas”.
“Mercando animais procedentes de ganderias da nosa provincia, ademáis de beneficiarnos do traballo de mellora que estan realizando as explotación galegas, estamos contribuindo a economía local, pois ese diñeiro pasa a mans doutro gandeiro, axudando así uns a outros”, subliñan.
