A gama Fertimón Tech de viñedo, ferramenta para unha defensa perfecta

Atopámonos de cheo en plena campaña do viñedo. Dadas as condicións de elevada humidade e temperatura, o momento actual resulta determinante para o futuro desenvolvemento do cultivo. Tal e como veñen advertindo as estacións de aviso, o ataque de enfermidades fúnxicas (sobre todo de mildiu) e das pragas típicas da zona, é inminente.

Para enfrontalas, ademais da aplicación de produtos fitosanitarios, as medidas preventivas e a nutrición óptima da planta son dúas ferramentas claves que axudan a conformar a defensa perfecta. Unha verdadeira xestión integrada de pragas sempre debe contemplar o maior número de ferramentas posible e complementar unhas con outras.

A día de hoxe, está asumido que non podemos depender só de fitosanitarios convencionais e que o uso de medidas alternativas axuda á prevención de resistencias, á eficacia dos tratamentos e á conservación do medioambiente. Por iso, expoñemos a continuación unha serie de produtos desenvolvidos na gama Fertimón Tech pensados para fortalecer o viñedo, alternar con tratamentos fitosanitarios e aptos para agricultura ecolóxica.

Substancias básicas para combater as enfermidades

SOY: biofunxicida para o control de mildiu, formulado a base de lecitina de soia. Actúa de dúas maneiras, por unha banda elimina a humidade superficial das follas grazas ás súas propiedades físico-químicas lipofílicas. Doutra banda, a súa composición 100% natural estimula a planta, activando os seus defensas naturais e fortalecendo as paredes celulares. Período de seguridade de 30 días.
STALION: trátase dun extracto de ‘Equisetum arvense’ (cola de cabalo) pensado como complemento aos tratamentos funxicidas. A UE certificou que esta planta tan versátil ten un efecto xeneralista mediante a inhibición de esporas e mediante un efecto secante. O modo de acción é difícil de definir, seguramente sexa a complexa mestura de moléculas aromáticas, saponinas, sílice e ácidos orgánicos, o que lle outorga propiedades tan beneficiosas. Sen período de seguridade.
BICARB: funxicida de contacto preventivo e curativo contra oídio. Forma unha capa protectora sobre a superficie foliar que provoca o colapso osmótico das células fúnxicas, á vez que evita a instalación de novas esporas a través da alteración do pH. Compatible con fitosanitarios a base de xofre. A diferenza destes, é eficaz a altas temperaturas xa que non provoca fitotoxicidade. Período de seguridade de 1 día.
SANO: bioestimulante a base de clorhidrato de quitosano. Este curioso polímero, en ocasións descoñecido, ten unha longa lista de utilidades en campos como a medicina, o tratamento de augas ou a fabricación de envases biodegradables. O seu uso como substancia básica vén xustificado pola súa función elicitora das defensas naturais, con todo, as súas propiedades van moito máis alá.

É común usalo tras a poda para acelerar a cicatrización e evitar o ataque de yesca. Noutros cultivos, úsase para o tratamento de bulbos polo seu efecto antimicrobiano. Mesmo se estudou que a súa descomposición no solo achega NH4 e CO2. Nós recomendamos aplicalo tras a poda ou ben en períodos como o actual, para previr infeccións de botrite e black-rot. Sen período de seguridade.

Abonos foliares para nutrir e fortalecer

FORTABROT: tal e como indica o seu nome, este produto fortalece os vasos condutores da planta, impulsando a brotación e a floración. En exemplares con enfermidades da madeira, axuda notablemente a manter o fluxo do zume. Trátase dun abono líquido a base de micronutrientes complexados con lignosulfonatos.
Velaquí a maxia do produto, os lignosulfonatos son substancias naturais axofradas cunha altísima taxa de asimilación e translocación (ascendente e descendente). Así aseguramos unha máxima absorción dos micronutrientes necesarios para activar o metabolismo e as defensas.
LIGNO MZ: abono líquido con manganeso e zinc que corrixe carencias, mellora a polinización, o calibre e a coloración. Recomendamos aplicalo conxuntamente cos tratamentos contra mildiu, xa que a súa excelente sistemia aumenta a eficacia e durabilidade dos produtos fitosanitarios. Ademais, estudouse que estes elementos inhiben encimas dos fungos (superóxido dismutasa, catalasa), derivando nunha oxidación dos lípidos de membrana.
MILDCU: a diferenza doutros cobres que poden causar fitotoxicidades e parada vexetativa, Mildcu xera un efecto moi suave na viña. Neste caso, o cobre está complexado con moléculas orgánicas de orixe vexetal que provocan unha resposta positiva e inmediata na planta, tanto por absorción foliar como radicular.
VITALMINO: aminoácidos de orixe animal puros, sen mesturas nin aditivos. Son unha potente ferramenta para aumentar a resistencia ao estrés abiótico e para facilitar a síntese de proteínas. Pódese aplicar en calquera momento vexetativo e é compatible coa maioría de fitosanitarios. Con todo, a recomendación é aplicalo cando se prevean xeadas, saraiba ou temporal adverso.