Convocadas as axudas da Xunta para a industria forestal

Administración convocante: Axencia Galega da Industria Forestal

Enlace axuda: https://www.xunta.gal/dog/Publicados/2020/20200219/AnuncioG0520-240120-0001_gl.html

Prazo: Ata 20/03/2020

Resumo:

O Diario Oficial de Galicia publicou este mércores a orde de axudas para este ano da Axencia Galega da Industria Forestal para investimentos en tecnoloxías forestais, procesamento, mobilización e comercialización de produtos forestais.

Estas axudas, cofinanciada con fondos Feader, están dotadas para este ano con 10,4 millóns de euros, repartidos en 3.045.454 euros para o ano 2020 e 7.405.470 euros para o ano 202. Esta liña de apoios está destinada ás microempresas, pequenas e medianas empresas (pemes) do sector forestal radicadas en Galicia.

Poderán ser subvencionables os investimentos relativos ás operacións de aproveitamento, transformación e comercialización dos produtos forestais (madeira, cogomelos, castañas, plantas aromáticas e medicinais, biomasa e outros produtos forestais).

Poderanse subvencionar investimentos financiados mediante arrendamento financeiro (leasing) ou calquera outra figura análoga, e subvencionarase neste caso unicamente o importe correspondente á opción de compra. A opción de compra deberase realizar no prazo de execución do investimento.

Os investimentos subvencionaranse cunha axuda do 40 % dos gastos elixibles. A axuda máxima por solicitante limitarase a 150.000 euros.

O prazo de presentación de solicitudes será dun (1) mes, contado a partir do día seguinte ao da publicación desta resolución no Diario Oficial de Galicia. É dicir, ata o 20 de marzo.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información