Clesa lanza “Bienatur”, a súa nova gama de leites e iogures de benestar animal

Publicidade
Clesa lanza “Bienatur”, a súa nova gama de leites e iogures de benestar animal

A industria láctea galega Clesa empeza 2020 con grandes novidades e lanza a súa nova gama de leites e iogures “Clesa Bienatur” con certificación de Benestar Animal. Esta liña de produtos lácteos están elaborados con Leite Galego 100% procedente das granxas dos socios cooperativistas de CLUN, certificadas co selo AENOR Conform en Benestar Animal, baseado no referencial europeo Walfare Quality.

Os novos leites “Clesa Bienatur” xa están á venda inicialmente nas principais superficies comerciais de Carrefour, e contan co tres variedades clásicas (Enteiro, Semidesnado e Desnatado) e as variedades Sen Lactosa (Semidesnatado e Desnatado).

En canto á nova gama de iogures “Clesa Bienatur”, preséntanse en tres variedades: natural, con ancos de froita (arandos e pexego-maracuyá); e 0% azucres engadidos e 0% materia graxa (mazá e amorodo). Os iogures contan cun packaging moi atractivo para o consumidor, que poderá degustalos en todos os puntos de venda a partir de marzo.

Sobre CLESA

Clesa, con sede en Caldas de Reis (Pontevedra) forma parte de CLUN a través da Agrupación de Cooperativas Lácteas, S.L. (ACOLAT), tamén participada pola cooperativa AIRA, elaborando iogures e sobremesas lácteas. As súas instalacións contan co certificado IFS e os seus produtos coa certificación PLS (Produtos Lácteos Sustentables), concedida polo Ministerio de Agricultura, Alimentación e Medio Ambiente, que garante que o 100% do leite é de orixe nacional e que foi contratado nunhas condicións que velan pola sustentabilidade económica do sector lácteo.

A compañía ten a súa orixe en Lácteas del Atlántico, unha sociedade fundada a finais dos anos 70, filial do Grupo Centrales Lecheras Españolas S.A. (Clesa). O proxecto actual de Clesa dá comezo en 2012, liderado por 10 cooperativas lácteas galegas unidas en ACOLACT, Agrupación de Cooperativas Lácteas, S.L.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información