As últimas cotizacións tanto na Unión Europea como en Estados Unidos, Australia e Nova Zelandia confirman unha recuperación dos prezos dos produtos lácteos nos mercados, tras varios meses de baixadas.
Asi, o confirma o último informe do European Milk Market Observatory (Observatorio do Mercado Lácteo da Unión Europea) publicado onte.
Estas son as tendencias que se observan nas cotizacións desta semana na Unión Europea:
-Manteiga: 498 €/100 kg, +0,8% nas últimas catro semanas
-Leite desnatado en po (SMP) 264€/100 kg, +2,8% ,,
-Leite enteiro en po (WMP): 355 €/100 kg, -1,1% ,,
-Queixo cheddar: 460€ /100 kg +0,3% ,,
-O leite spot en Italia baixa até os 0,505 €/kg
-Os costes de alimentación do gando subiron un 3% e os de enerxía baixaron un 4,6% na última semana de febreiro comparados coa mesma semana de xaneiro.
-A produción de leite en xaneiro subiu un 1,3% en Estados Unidos, un 1,2% en Nova Zelandia e un 1,9% no Reino Unido, mentres que caeu un 3,1% en Australia.
-En Estados Unidos e Nova Zelandia está a haber unha recuperación das cotizacións dos produtos lácteos, especialmente da manteiga e do leite en po enteiro.