As mesas de prezos de Amio acordaron na sesión desta semana subas en boa parte das categorías do gando de recría, en tanto Ternera Gallega, gando de abasto e vacún maior continúan coas mesmas cotizacións que a pasada semana.
En recría, os cambios son os seguintes:
– Soben 5 euros os prezos das calidades extra e boa dos machos descostrados da raza frisona e 10 euros os de calidade regular.
– Soben 10 euros os prezos dos machos lactantes de raza frisona, a excepción dos da calidade boa, que continúan sen cambios.
– Por razóns de axuste técnico, sobe 20 euros o prezo da calidade boa das femias lactantes de rubia galega e 10 euros os das calidades extra e regular das femias lactantes cruzadas.
En canto á asistencia de gando, na sesión desta semana houbo 2.274 reses, 23 máis que na pasada sesión. Houbo 1.812 cabezas de vacún menor, 213 de vacún mediano e 230 de vacún grande.
Máis información
– Táboa completa das cotizacións de Amio (18-V-2016)