Galego
As cotizacións mantéñense en Amio sen a penas cambios por segunda semana consecutiva. Se a pasada semana só se rexistrou un leve axuste á baixa na categoría P de vacún maior, esta semana todas as categorías e calidades de gando repiten valores en Amio, sen modificacións.
Na IXP Ternera Gallega, o maior consumo de carne durante o verán levara a unha progresiva recuperación das cotizacións nos últimos meses, se ben ese repunte de prezos parece ter chegado o seu tope e a demanda xa non é a que era, polo que se está a optar por repetir cotizacións. Na Mesa de Prezos de Abasto, tamén se manteñen prezos sen cambios para gando de recría, abasto e vacún maior.
A asistencia de gando á sesión de hoxe foi de 2.086 reses, 118 menos que a pasada semana. Houbo 1.512 cabezas de vacún menor, 265 de vacún mediano e 274 de vacún grande.
Máis información
– Táboa completa das cotizacións de Amio (21-9-2016)
