Recomendacións de Calfensa para a campaña de millo

Nos solos galegos, de carácter ácido, a caliza é un aliado fundamental para optimizar a nutrición dos cultivos. Repasamos da man de Calfensa a gama de produtos dispoñible no mercado, así como consellos de aplicación para a campaña de millo.

Incorporación ó solo. Dado que a acción do encalante é por contacto directo, cómpre facer un esparexido homoxéneo en toda a superficie, así como unha incorporación ó solo por medio dun laboreo. Deste xeito, garantirase o beneficio do produto en toda a zona que ocuparán as raíces do cultivo.
Suba do pH. Deben usarse doses que non suban o nivel do pH do solo máis dun punto, xa que unha suba repentina maior tería efectos negativos nos microorganismos do solo.
Aplicación de xurros e abonos. Si é posible, é conveniente esperar uns días entre a aplicación do produto encalente e aplicación do xurro e o esterco.

Gama de produtos Calfensa: “A caliza de sempre, a caliza da túa terra”

Caliza agrícola
O carbonato cálcico, a caliza agrícola tradicional, é un produto moi empregado e non caústico. O grao de finura do produto determinará o seu tempo de reacción en chan.

“Canto máis fino é un produto, terá un maior número de partículas que se descompoñerán antes no solo. No caso das calizas de Calfensa, estamos falando dun tempo curto de reacción, dependendo de factores como a humidade do solo ou as súas características”, explican no departamento técnico de Calfensa.

Outra cuestión a ter en conta é a capacidade da caliza para correxir a acidez do solo, que se mide polo seu valor neutralizante. A caliza agrícola de Calfensa presenta un valor neutralizante de 50, polo que para a maioría de solos agrícolas galegos, caracterizados pola súa acidez, serán precisas doses de aplicación entre 2.000 – 2.500 Kg. / hectárea. “Esta é a dose habitual, pero sempre aconsellamos que o produtor faga unha análise de terras para facer un encalado con maior precisión”, sinalan en Calfensa.

É importante ter en conta o valor neutralizante do produto, clave para definir a dose por hectárea

No mercado das calizas, hai ademais mensaxes que levan á confusión, pois existen produtos que se presentan nun formato de granulado esférico con doses de aplicación recomendadas de 400 – 600 Kg. / hectárea. “Non hai explicación técnica para aconsellar unha dose tan baixa, pois o valor neutralizante destes produtos é igual que o da nosa caliza, polo que a cantidade a aplicar ten que ser a mesma” -advirten en Calfensa.- “Hai que prestarlle atención ó valor neutralizante do produto”, recomendan.

Outra situación confusa pode producirse con calizas procedentes de Portugal, país que ten un sistema diferente para medir o valor neutralizante. Así, calizas lusas que se presentan en Galicia cun valor neutralizante de 85 son equivalentes ás calizas españolas con valor neutralizante de 40.

Por último, cómpre sinalar que no mercado hai tamén calizas a base de dolomita, cun tempo de reacción máis longo que o carbonato cálcico, se ben non é un produto co que traballe Calfensa.

Caliza magnesiana (Caliza agrícola y Magnesita)
Os solos agrícolas galegos adoitan presentar carencias de magnesio, polo que Calfensa ofrece unha caliza agrícola que incorpora magnesio. Corríxense así as deficiencias en calcio e magnesio, dous elementos importantes para mellorar a nutrición dos cultivos.

A incorporación de magnesio á caliza permite correxir as deficiencias do mineral, habituais nos solos galegos

A incorporación do magnesio eleva o valor neutralizante do produto a 60, polo que a dose será lixeiramente inferior á do carbonato cálcico.

A aplicación das calizas agrícolas e magnesianas é realizada por Calfensa por medio de equipos con brazos dosificadores, dotados dun sistema de pesado e dosificación programado.

Granulados
A partir da Caliza agrícola e caliza magnesiana, Calfensa fai un granulado, a modo de esferas, que se suministran a granel, en big bags ou en sacos, para que o agricultor poida aplicala cos seus medios.
“Son moi interesantes polas súas características e ademais moi cómodas, debido á facilidade de emprego, xa que poden ser esparcidos por medio dunha abonadora”, sinalan na empresa, como unha gran vantaxe.

Calfensa ofrece tamén a opción dun granulado, que pode aplicar o propio agricultor con abonadora

Contacto Calfensa

Teléfono: 982 30 59 02

Principais beneficios das calizas

Evítase o bloqueo e fixación dos fosfatos, ao formarse compostos de calcio máis asimilables polas plantas.
Redúcese a toxicidade de determinados minerais para as plantas, como o aluminio, o ferro ou o manganeso.
Favorécese a absorción de Molibdeno (Mo) presente no solo por parte das plantas, algo que é especialmente positivo nas leguminosas, que presentan altas necesidades do mineral.
Mellora a estrutura do solo e as súas propiedades físicas.
Estimúlase a actividade dos microorganismos, o que repercute nunha mellor transformación da materia orgánica e nunha maior dispoñibilidade de nutrientes.
Contribúe ó bo desenvolvemento e distribución das raíces das plantas.