Galego
Ence Terra, dentro do seu compromiso coa formación e o impulso do emprego forestal, colabora coa entidade Forma-t para a realización dun novo curso para instruír maquinistas forestais para o manexo de procesadoras e autocargadores. O obxectivo desta iniciativa é desenvolver e profesionalizar o sector, mellorar a seguridade e a eficiencia do traballo, e xerar oportunidades de emprego no medio rural.
A compañía prevé que parte dos alumnos, unha vez finalizado o curso, empecen a traballar en empresas líderes do sector forestal, como as de aproveitamento forestal e maderistas, contribuíndo ao seu crecemento profesional. De feito, existe unha alta demanda de persoal por parte destas empresas, alcanzándose practicamente plena inserción laboral nas edicións anteriores desenvolvidas de curso.
Estes cursos gratuítos para os participantes teñen o obxectivo de responder á alta demanda de maquinistas de procesadoras e autocargadores forestais, unha profesión en auxe e que actualmente presenta carencia de profesionais. Ademais, e dentro do compromiso de Ence Terra coa igualdade, preténdese promover a contratación de talento feminino, menos representado na ocupación forestal.
Durante o curso, os alumnos aprenderán os fundamentos teóricos para o manexo da maquinaria e o seu mantemento, e realizarán prácticas tanto nun simulador de última xeración como en máquinas profesionais. Ademais, atenderán a un curso de prevención de riscos laborais mediante o cal obterán un certificado en PRL, o que axudará a instruír profesionais con coñecementos en seguridade.
O curso será impartido pola empresa de formación Grupo Forma-t en Villalba (Lugo), no mes de febreiro de 2024, cunha duración de dous meses e en modalidade presencial. O programa está dirixido a persoas desempregadas, e conta con 15 prazas dispoñibles.
As persoas interesadas no curso poden informarse ou apuntarse ao mesmo a través do teléfono 982 51 36 05, dos emails info@grupoforma-t.es e psanchez@ence.es ou a través da páxina web
