AGA avisa de mortandade das colmeas por fame

Publicidade
AGA avisa de mortandade das colmeas por fame

Cadro típico morte por fame, abellas dentro das celdillas, celdillas roídas, ausencia de pole, ausencia de mel e néctar

A Asociación Galega de Apicultura (AGA) avisa de que “se están producindo moitas mortes de colmeas nestes días debido á fame”. “Os síntomas que atopamos son a presenza de larvas de obreira e de zángano na piqueira, colmeas sen reservas e que non pesan. Ademais, moitas abellas adultas mortas no chan diante da colmea e tamén no interior, no fondo da colmea. Tamén podemos observar os panais baleiros de mel e obreiras metidas nas celas coa cabeza para dentro”, informan dende a asociación.

Dende AGA explican que “esta mortandade que estamos vendo é debida a que as colmeas aumentaron moito de poboación e de cría nas semanas anteriores de bo tempo, ás veces por unha alimentación líquida excesiva e sen tino por parte do apicultor”. “Agora, ao vir mal tempo, a colmea esgota as poucas reservas que tiña e morre de fame”, alertan.

Neste sentido, consideran que a causa da mortandade “pódese atribuir a un mal manexo da colmea dende o punto de vista nutricional, polo que advertimos de que debemos observar que ocorre nestes días, sen descoidarnos do estado de reservas das nosas colmeas: mirando o seu peso, abrindo algunha sospeitosa, polos restos na piqueira, etc, e se é necesario proceder a colocar inmediatamente en principio alimento sólido, para evitar as mortes por fame”.

Os consellos de AGA son revisar as colmeas, alimentalas se o precisan e recordan que “a alimentación mal feita pode ter consecuencias negativas no teu apiario”.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información