As mesas de prezos do Mercado de Gando de Amio (Santiago) acordaron esta semana a repetición das cotizacións en tódalas calidades e categorías. Os prezos mantivéronse sen cambios tanto en vacún maior como en recría e becerros carniceiros. Porén, os vogais aprecian unha tendencia á baixa nos prezos dos canais do vacún mediano para sacrificar, debida a unha baixada acusada da demanda.
Tampouco houbo cambios nos valores acordados na Mesa da Indicación Xeográfica Protexida Ternera Gallega.
En canto á asistencia, esta semana contabilizáronse 1.795 animais, 67 máis que na feira do pasado 11 de novembro. Houbo 1.512 cabezas de vacún menor (81 máis que a pasada semana), 149 de vacún mediano (9 menos) e 127 de vacún grande (7 menos que na sesión anterior).