A sondaxe realizada este mércores entre os usuarios do Mercado de Gando de Amio (Santiago) amosa que houbo unha baixada de 5 euros dos prezos da recría de cruces industriais de cor. Mentres, apréciase unha tendencia á alza nos prezos do vacún mediano de matadoiro.
Pola súa banda, esta semana na Mesa de Prezos da IXP Ternera Gallega acordaron manter os prezos para tódalas clases e categorías desta carne.
Nesta feira contabilizáronse 1.713 reses, o que supón 75 animais máis que a semana pasada. Houbo 1.420 cabezas de vacún menor (59 máis que na sesión anterior), 127de vacún mediano (8 menos) e 166 exemplares de vacún grande (24 reses máis).
Máis información
–Táboa de cotizacións de Amio (25-V-2022).