☰
✕

Archives

Leite, Portada arriba dereita

Resposta de Agromuralla á FENIL: “Os que arruinan ás industrias lácteas son os seus directivos, non os gandeiros”

Leave a comment

A asociación de gandeiras e gandeiros Agromuralla considera "intolerables e inaceptables" as declaracións do secretario xeral da Federación Nacional de Industrias Lácteas, Luis Calabozo, culpando ao prezo do leite en orixe da perda de competitividade do sector lácteo en España. 

Para o presidente de Agromuralla, José Luis Pérez Barreiro, con este tipo de declaracións "as industrias tratan de poñer aos consumidores en contra dos gandeiros que producimos o leite, acusándonos de ser os culpables do encarecemento da cesta da compra, cando a realidade é que este ano baixáronnos un 20% o prezo que nos pagan polo leite aos produtores sen que baixara nada nos supermercados". 

Para producir necesitamos estabilidade nos prezos, porque unha xata non se cría en 5 meses nin un establo se paga nun ano

<amp-ad width="300" max-height="300" layout="responsive" type="adspeed" data-zone="78935" data-client="18217"> <div placeholder>Loading ad.</div> <div fallback>Ad could not be loaded.</div> </amp-ad>

Segundo denuncia Agromuralla, "as industrias lácteas teñen en marcha neste momento un complot para baixar o leite aos gandeiros" e contan "coa connivencia das Administracións públicas", pois "nin a Xunta nin o Ministerio están a mover un dedo en favor dos produtores, permitindo baixadas unilaterais impostas polas industrias e que incumpren a Lei da Cadea Alimentaria". 

"As empresas queren facerse ricas a costa dos produtores", denuncia Pérez Barreiro, que acusa á FENIL de propoñer "un sector lácteo terceiromundista para España, onde as industrias obteñan os seus beneficios a base de comprar a materia prima barata". 

As empresas queren un sector lácteo terceiromundista para España, onde as industrias obteñan os seus beneficios a base de comprar a materia prima barata

<amp-ad width="300" max-height="300" layout="responsive" type="adspeed" data-zone="78936" data-client="18217"> <div placeholder>Loading ad.</div> <div fallback>Ad could not be loaded.</div> </amp-ad>

"Tanto as industrias como as cadeas de supermercados están a presentar as súas contas do ano pasado con datos de facturación récord en todos os casos", lembra o presidente de Agromuralla, que di que "os que arruinan as empresas lácteas non son os gandeiros senón os seus directivos".  

Cinismo coas importacións

José Luis Pérez Barreiro acusa tamén ás industrias de "cinismo" a respecto das importacións de leite, queixo e outros produtos lácteos. "As industrias son as principais culpables de que España sexa deficititaria en leite e son as primeiras en mercar fóra; de feito agora están a baixarnos o leite aos gandeiros en España porque prefiren traer leite e queixos baratos doutros países", di. 

<amp-ad width="300" max-height="300" layout="responsive" type="adspeed" data-zone="80038" data-client="18217"> <div placeholder>Loading ad.</div> <div fallback>Ad could not be loaded.</div> </amp-ad>

España é un país deficitario en produción de leite que se ve obrigado a mercar unha cuarta parte dos produtos lácteos que consume; é normal que aquí se pague máis polo leite que noutros países

Agromuralla considera normal que o prezo do leite en España sexa superior ao doutros países da UE que son excedentarios, caso de Alemaña, Francia ou Holanda e  lembra que "España é un país deficitario en produción de leite que se ve obrigado a mercar máis dunha cuarta parte dos produtos lácteos que consume". 

A produción total española é uns 7,3 millóns de toneladas e as importacións supoñen 2 millóns de toneladas máis, polo que "o prezo que se paga aos gandeiros debería reflectir esa realidade", argumenta Pérez Barreiro. 

"Os custos de produción das granxas seguen aumentando pola adaptación ás novas normativas"

Mentres os ingresos das granxas seguen baixando, logo de tres descensos no prezo do leite no que vai de ano, os custos de produción das explotacións non deixan de aumentar.

"O prezo do gasóleo para a actual campaña de ensilado do millo e sementeira das pradeiras disparouse até 1,30 euros o litro, as sementes multiplicaron o prezo, a palla segue polas nubes e a electricidade está volvendo a subir", enumera o presidente de Agromuralla, que pide que os contratos de compra do leite se referencien aos custos das granxas. 

O Caderno Dixital, a nova PAC ou a adaptación das cisternas de purín supoñen un encarecemento do que custa producir cada litro de leite que non se compensa vía prezo

Ademais do encarecemento dos insumos básicos, a adaptación aos requisitos da nova PAC e a entrada en vigor de normativas en materia materia de medio ambiente, benestar animal e dixitalización requiren investimentos aos produtores.  

"A adopción do Caderno Dixital ou a modificación das cisternas de purín para cumprir co Real Decreto de fertilización supón un encarecemento do que custa producir un litro de leite, sen que neste momento eses custos se vexan compensados vía prezo", asegura. 

Se os prezos seguen baixando camiñamos cara un novo desabastecemento polo peche masivo de granxas

Por iso, Pérez Barreiro apela á responsabilidade das empresas compradoras para garantir o relevo xeracional e o mantemento do sector produtor, porque, asegura, "se as granxas volvemos de novo aos números vermellos caerá a produción e pecharán máis explotacións". 

"Imos novamente camiño do desabastecemento, porque unha xata non se cría en 5 meses nin un establo se paga nun ano; necesitamos estabilidade de prezos e rendibilidade", defende. 

Leite, Portada Lista

“A pesar de que os gandeiros están recibindo os prezos máis altos da historia polo seu leite, non se consegue estimular a produción”

Leave a comment
Luis Calabozo, director xeral da FENIL, durante a presentación do Barómetro do Sector Lácteo A Federación Nacional de Industrias Lácteas (FENIL), que representa a máis de 60 empresas do sector, que transforman en conxunto o 95% da producción española de alimentos lácteos, presentou este martes o Barómetro do sector lácteo, una iniciativa destinada a difundir de maneira periódica os datos máis relevantes do sector. Nesta primeira entrega as industrias lácteas quixeron poñer de manifesto que España conta co leite en orixe pagado ao gandeiro máis caro de toda a Unión Europea (exceptuando Malta e Chipre), o que propiciou a entrada masiva de produtos lácteos elaborados estranxeiros, en particular queixos, a prezos máis baixos, desprazando nos lineais e na cesta da compra aos queixos nacionais. Segundo os últimos datos do Ministerio de Agricultura e da Comisión Europea, o prezo do leite cru de vaca en España no mes de agosto foi de 0,515 euros por quilo, fronte aos 0,410 de Alemaña ou os 0,452 de Francia. A media da Unión Europea situouse nos 0,436 euros por quilo.
Os gandeiros españois cobraron en agosto 10 céntimos máis por litro que os alemáns e 6 máis que os franceses
Este feito xerou unha competencia desigual nos mercados, prexudicando aos produtos lácteos españois, asegura a FENIL. A situación é especialmente preocupante no mercado dos queixos e no dos derivados lácteos (leite en po, manteiga, soro,etc.). No caso do leite de ovella e cabra, o prezo pagado en orixe en España, tradicional líder europeo na súa produción, é o máis elevado da serie histórica, o que está a estimular novas e modernas producións noutros países da Unión Europea. Descenso na produción Luís Calabozo, director xeral da FENIL, expresou: "Vemos con especial preocupación para o futuro do sector lácteo no noso país que, a pesar de que os gandeiros españois están a recibir os prezos máis altos da historia polo seu leite, non se consegue estimular a produción".
Existen factores estruturais distintos ao prezo que hai que analizar para garantir a supervivencia do sector
Isto indica que existen factores estruturais distintos ao prezo que hai que analizar para garantir a supervivencia e o crecemento do sector, asegura. "Necesitamos identificar e favorecer as condicións para atraer ao sector persoas e capital que estimulen o crecemento e a eficiencia das producións. É de vital importancia lograr unha industria láctea rendible e competitiva para asegurar o futuro do sector e garantir o acceso ao consumidor español destes alimentos esenciais e que sexan producidos no noso país, para o que é condición necesaria preservar a nosa competitividade”, insiste Calabozo. Perda de competitividade do sector Así mesmo, afirmou que a incerteza ante o descenso no volume de produción de leite cru no campo, o aumento da oferta internacional e as dificultades do contexto económico mundial xera presións adicionais á industria láctea española.
O custo da materia prima erosiona as marxes e a rendibilidade das industria láctea
Luís Calabozo concluíu: "A industria láctea española en xeral, e a queixeira en particular, están a perder competitividade, o que nos está levando a perder posicións nos mercados. Esta situación propiciou a entrada en masa en España de produtos lácteos estranxeiros, principalmente queixos, a prezos máis baixos, desprazando no lineal e na cesta da compra os lácteos do noso país". Todo iso, insistiu, sumado ás "estratexias históricas de venda por parte da distribución a uns prezos no lineal artificialmente baixos (leite UHT principalmente)", representa "un gran desafío para unha industria láctea cunha rendibilidade e unhas marxes moi erosionadas pola crise de custos que se atravesa (enerxía, envases, transporte, laborais etc.), pero moi especialmente, polo custo da materia prima leite”, culpabilizou.