Gandería Melenas SC, ubicada no concello coruñés de Mazaricos, pon á venda un lote de 22 boxes dobres para becerros con capacidade para albergar a dous animais.
Os recintos, construídos en estrutura metálica, cumpren coa normativa de benestar animal e teñen unhas dimensións de 2 metros de longo por 1 de ancho.
Están especialmente indicados para o destete dos becerros e becerras, xa que veñen preparados con soportes para a colocación de caldeiros de leite con tetina, caldeiro de auga e comedeiro para penso. Serven tanto para recría de tenreiras en ganderías de vacún de leite como para cebo de xatos en explotacións de carne.
O propietario da granxa, Jonathan Cives, vende o lote completo, formado por 22 boxes, a un prezo de 175€ cada un. As persoas interesadas poden chamar por teléfono ao 678621048.