A sondaxe realizada este mércores entre os asistentes ó Mercado de Gando de Amio (Santiago) amosa unha suba de 0,10 euros nos prezos das canais de vacún mediano para matadoiro.
Esta semana, na Mesa de Prezos da IXP Ternera Gallega acordaron manter de novo sen cambios as cotizacións de tódalas clases e categorías.
Nesta feira contabilizáronse 1.732 reses, o que supón 19 animais máis que a semana pasada. Houbo 1.365 cabezas de vacún menor (55 menos que na sesión anterior), 138 de vacún mediano (11 máis) e 229 exemplares de vacún grande (63 reses máis).
Máis información
–Táboa de cotizacións de Amio (1-VI-2022).