A sección ‘Noticias de empresa’ inclúe informacións de actualidade empresarial, así como as notas de prensa de firmas colaboradoras.

España exporta a Estados Unidos os primeiros embrións de gando bovino

A empresa galega Embriovet & Embriomarket acaba de exportar a Estados Unidos os primeiros embrións de gando bovino.

“É a primeira vez que se exporta desde España xenética de gando bovino como embrións a Estados Unidos, o que abre moitas posibilidades de exportación ás gandarías españolas, que nos últimos anos alcanzaron un alto nivel xenético”, destacan desde a empresa.

Ademais, é moi significativo que sexa precisamente a Estados Unidos, un referente para os gandeiros españois que levan décadas adquirindo xenética americana e canadense. Neste primeiro envío exportáronse 70 embrións de bovino a TransOva, un centro de recoñecido prestixio a nivel internacional e referente nos centros e equipos veterinarios de transferencia embrionaria. TransOva ocuparase en Estados Unidos de realizar a transferencia dos embrións adquiridos por gandeiros estadounidenses.

“Esta primeira exportación foi froito dun traballo de meses para conseguir que se establecese un Certificado de Exportación de España a Estados Unidos, coa colaboración do Ministerio de Agricultura e das autoridades norteamericanas”, explican desde Embriovet & Embriomarket.

“Estamos a traballar na apertura de novos mercados”

Doutra banda, a transcendencia da noticia tivo outro beneficio engadido para a empresa, que está a recibir peticións desde países nos que actualmente España non dispón de certificado de exportación. “Esperamos e traballamos para que este sexa o primeiro de moitos máis envíos de xenética española a Estados Unidos. Queremos que represente unha gran oportunidade para moitos gandeiros españois”, destacan desde Embriovet & Embriomarket

embriomarket 2 embriomarket 3

Una idea sobre “España exporta a Estados Unidos os primeiros embrións de gando bovino

  1. Francisco

    Estoy interesado en saber cuál fue la raza o razas que se exportaron embriones. Muchas gracias

    Contestar

Deixa unha resposta

O teu enderezo electrónico non se publicará Os campos obrigatorios están marcados con *