A correduría de seguros galega Ucoga, especializada no sector agrario, lanzou un vídeo en redes sociais en apoio ó traballo do agro durante o coronavirus. Ucoga destaca o esforzo de gandeiros e agricultores, que está a cobrar especial importancia durante a crise do coronavirus.
O vídeo fala do optimismo e paixón do colectivo de profesionais do agro, do seu esforzo, “que non entende de días festivos e festas”, e remata concluíndo que é preciso que toda a sociedade “coidemos a quen nos sustenta”.
Sobre Ucoga
Ucoga naceu no 2013 a partir da iniciativa de varias cooperativas galegas do agro. Desde a súa creación, a correduría de seguros experimentou un crecemento continúo de dobres díxitos anuais en clientes e facturación. O cerne do seu traballo é o sector agrario, pero nos últimos anos extendeu o seu negocio a outras áreas e dá tamén cobertura ás pólizas persoais dos seus clientes (veículos, vivendas, etc.).