Galego
As mesas de prezos de Amio decidiron esta semana unha serie de cambios nos prezos de referencia do gando. En Ternera Gallega, a Mesa da IXP acordou o seguinte:
– Baixar 4 céntimos os prezos das canais de Suprema de ata 250 quilos (machos) e ata 225 quilos no caso das femias.
– Baixar 2 céntimos as canais superiores a 250 quilos (machos) e a 225 quilos nas femias.
– Subir 2 céntimos os prezos da categoría Ternera Gallega en pesos superiores a 250 quilos (machos) e 225 quilos nas femias.
Na Mesa de Prezos de Gando de Abasto, acordouse manter prezos de recría e becerros de sacrificio, pero aplicáronse as seguintes baixadas en vacún maior:
– Redúcense 15 céntimos os prezos dsa canais das clasificacións S, E, U e R.
– Baixan tamén 15 céntimos as canais das subclases O4 e O3.
En canto á asistencia de gando ó mercado, houbo 1.815 reses esta semana, 324 menos que o pasado 20 de xaneiro. Entraron no recinto feiral 1.556 cabezas de vacún menor (237 menos que na anterior sesión), 121 de vacún mediano (24 menos) e 138 de vacún grande (63 menos).
Máis información
– Táboa completa de cotizacións de Amio (27-I-2021).
