Xornadas en Manzaneda sobre iniciativas no rural

A iniciativa, coorganizada polo Concello de Manzaneda e o Proxecto Batefogo, abordará posibilidades de aproveitamentos no monte

Data inicio: 07/10/2016
Data fin: 08/10/2016
Lugar: Concello de Manzaneda, Praza do Concello, Manzaneda, España

Manzaneda acolle este venres 7 e sábado 8 unhas xornadas adicadas a dar a coñecer iniciativas de desenvolvemento rural. As xornadas, organizadas polo Concello de Manzaneda e o Proxecto Batefogo, arrancan esta tarde ás 19 horas cunha charla de Joan Alibés, da Plataforma pola Gandería Extensiva e o Pastoralismo. Alibés, produtor de cordeiro e cabrito en Galicia, falará de experiencias no aproveitamento de pastos de montaña que poden ser trasladables a enclaves como Manzaneda.

As xornadas continuarán a tarde do sábado 8 a partir das 17 horas con dúas mesas redondas. A primeira, titulada ‘Figuras de xestión e xestión de conflictos’, contará coa participación da comunidade de montes en man común da Cova (Trives), da cooperativa Monte Cabalar da Estrada e da Reserva da Biosfera dos Ancares Leoneses.

A segunda mesa redonda, a partir das 17 horas, abordará o Patrimonio e Desenvolvemento Rural, coa participación de Adega da Terra Viticultores (Manzaneda), da comunidade de montes de Paraños (mel) e dun grupo informal de mozos do Xurés.Todas as sesións celebraranse no salón de plenos do Concello de Manzaneda.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información