A sección ‘Noticias de empresa’ inclúe informacións de actualidade empresarial, así como as notas de prensa de firmas colaboradoras.

O grupo Aresa celebra o seu 50 aniversario mirando ao futuro

A empresa lucense, especializada na fabricación, asesoramento e venda de suministros agrícolas, cumpre este ano medio século de vida axudando ao sector agrogandeiro a ser máis competitivo. Fundada por Álvaro Rodríguez Eiras e hoxe con Carlota López Pardo á fronte, mantén a súa aposta polo medio rural galego

Foto de familia de la plantilla del grupo Aresa en su planta de fabricación de Rábade

Foto de familia do plantel de traballadores do grupo Aresa na súa planta de fabricación de Rábade

O grupo Aresa celebra este ano o seu 50 aniversario e faino reafirmando os seus valores, que guiaron a súa andaina neste medio século de vida: calidade, servizo e asesoramento ao cliente, innovación e sustentabilidade. E todo iso cun obxectivo fundamental, o de mellorar a rendibilidade de agricultores e gandeiros e axudar ao medio rural galego.

Aresa foi fundada por Álvaro Rodríguez Eiras en Lugo no ano 1971, nun baixo alugado na rúa Montirón. Dous anos máis tarde, Aresa trasladaba a súa sede á actual, na Avenida de Madrid número 187, onde constrúe a nave que alberga as súas oficinas centrais.

O fundador da empresa, Álvaro Rodríguez Eiras, empezou a traballar aos 18 anos na tenda do seu pai en Meira

Aresa dispón dunha ampla gama de fertilizantes sólidos, líquidos, solubles, ecolóxicos e nutricionais, coa formulación máis adecuada para cada terreo e cultivo e formatos que se adaptan ás necesidades de todo tipo de clientes, desde sacos de 25 e 40 quilos a big bags de 600 quilos ou camións de 24 toneladas.

A empresa complementa a súa gama de produtos con bioestimulantes, emendas cálcico-magnésicas, pensos, cereais, fitosanitarios, sementes e todo tipo de subministracións agrícolas, gandeiras, para horta ou xardín e para mascotas.

A empresa dispón de fábrica de abonos en Rábade e de pensos en Begonte, ademais de tendas en Lugo, Meira e Foz

Con ocasión do 50 aniversario do grupo, renováronse as páxinas web de Aresa e Cecoagro para mellorar a experiencia dos usuarios, cunha estrutura de navegación doada e con todos os contidos que poden resultar de interese, co obxectivo de seguir dando a coñecer a empresa, os seus servizos e os seus produtos.

Un fertilizante adaptado a cada cultivo

Aresa sacos fertilizante

En 1987 Aresa adquire en Rábade a súa primeira gran planta de fabricación, de 4.000 m2, cuxa capacidade terá que ser duplicada en tan só 10 anos. Así mesmo, a partir de 2019 Aresa potenciou a súa planta de blending e desenvolveu a nova gama de fertilizantes técnicos, Protech, que introduce as últimas tecnoloxías dispoñibles en materia de fertilización, especialmente dispoñibles para minimizar as perdas de nutrintes e optimizar a súa dispoñibilidade.

Aresa potenciou a súa planta de blending e desenvolveu a nova gama de fertilizantes técnicos Agroland Protech, que minimizan as perdas de nutrintes e optimizan a súa dispoñibilidade

Entre a ampla gama de fertilizantes que fabrica Aresa atópanse desde o clásico Fertimón; Fertiland, unha gama de abonos complexos dispoñible para os principais cultivos de Galicia; Expertise, desenvolvidos para corrixir as carencias nutricionais dos chans; Forestland, con tecnoloxía de encapsulado para unha liberación controlada; ou Agroland Garden para horta e xardín.

Cecoagro, pensos para todo tipo de gando e mascotas

Planta de Cecoagro en Begonte, perteneciente al grupo Aresa

Planta de Cecoagro en Begonte, pertencente ao grupo Aresa

En 2003 nace Cecoagro, un almacenista de produtos agrícolas e gandeiros, que conta cunha fábrica de pensos de gandería localizada en Begonte, onde fabrica, entre outros, os pensos Avantis para vacún, porcino, aves, coellos, ovino e equino.

Nos últimos anos a empresa emprendeu unha nova etapa de expansión, estando hoxe presente en 40 países coas súas liñas de penso de mascotas Avantis, Petcool e Pure

Nos últimos anos, o Grupo Aresa emprendeu unha nova etapa de expansión, abordando novos mercados, tanto nacionais como internacionais, estando a día de hoxe presente en 40 países coas súas liñas de penso de mascotas Avantis, Petcool e Pure.

Todocampo, todo en xardinería e subministros

Una de las tres tiendas Todocampo con las que cuenta Aresa en Lugo, Meira y Foz

Unha das tres tendas Todocampo coas que conta Aresa en Lugo, Meira e Foz

En 2002 fúndase Todocampo, cadea de tendas de produtos para a agricultura, gandería, xardinería e mascotas, que conta na actualidade con tres tendas, en Lugo, Meira e Foz.

Desde 2018, e xa con Carlota López Pardo como adxunta á presidencia, o grupo Aresa iniciou unha nova etapa de apertura a novos mercados, estando presente na actualidade en Castela e León, Asturias e Portugal, onde prosegue o seu proceso de expansión en todo o noroeste peninsular.

Aresa está presente tamén en Castela e León, Asturias e Portugal

Son mercados onde a empresa lucense fai valer a súa ampla experiencia de medio século centrada na distribución e comercialización de produtos para a agricultura e a gandería.

Os premios Aresa, un recoñecemento ao rural

Álvaro Rodríguez Eiras, en el centro, junto al rector de la USC, Antonio López, y la vicerrectora del Campus de Lugo, Montserrat Valcárcel, en una edición anterior del Premio Aresa

Álvaro Rodríguez Eiras, no centro, xunto ao reitor da USC, Antonio López, e á vicerreitora do Campus de Lugo, Montserrat Valcárcel, nunha edición anterior do Premio Aresa

No ano 2000 póñense en marcha os Premios Aresa. Unha iniciativa que, da man da USC, recoñece e premia cada ano a empresas, grupos de investigación, asociacións ou calquera outra entidade que contribúa co seu labor ao desenvolvemento da economía rural de Galicia.

O Premio Aresa é un galardón con máis de 20 anos de traxectoria que recoñece a empresas, grupos de investigación, asociacións ou entidades que contribúan co seu labor ao desenvolvemento da economía rural de Galicia

É unha das contribucións do grupo Aresa ao mundo agrario galego e á investigación universitaria, onde o grupo empresarial lucense tamén conta cunha Aula Aresa na Facultade de Veterinaria de Lugo. O Campus Terra da USC naceu coa intención de transformar o campus de Lugo nun referente científico e social no ámbito da sustentabilidade económica, social e ambiental do uso da terra, un obxectivo compartido por completo por Aresa.

Distincións da CEL e a USC

Distinguido pola Universidade de Santiago polo seu apoio a distintias iniciativas e pola súa contribución á relación entre o sector o empresarial e a sociedade, Álvaro Rodríguez Eiras foi tamén o primeiro presidente da Confederación de Empresarios de Lugo e da Confederación de Empresarios de Galicia. Froito da súa preocupación polo desenvolvemento do medio rural galego, Don Álvaro segue vinculado á CEL dirixindo o comité de expertos da Fundación Agroalimentaria de Galicia.

Seguindo o seu exemplo e aliñado cos seus valores, o compromiso, a tradición, a innovación, a orientación ao cliente e a sustentabilidade, o grupo Aresa e todos os que traballan nel, centran os seus esforzos día a día en prestar un servizo personalizado aos seus clientes, baseado na calidade e a confianza, traballando para poder seguir ao seu lado outros 50 anos.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información