Uniform e Allflex Livestock Intelligence melloran a xestión dos rabaños de vacún de leite integrando os seus programas

Uniform-Agri e Allflex Livestock Intelligence, dúas empresas de referencia internacional en sistemas de monitorización e xestión de rabaños de vacún de leite, presentaron a pasada semana a través dun webinar a integración nunha única plataforma dos seus programas estrela.

Trátase de Uniform-Repro, programa de xestión para gandarías de vacún de leite e pensado para gandeiros e consultores, e de SENSEHUB^TM un completo programa de monitorización da multinacional Allflex Livestock Intelligence .

Almudena Molinero, veterinaria e responsable de vendas e mercadotecnia de UNIFORM-Agri en España e Portugal, destaca a integración de ambos os programas nunha mesma interfaz. “Con UNIFORM-Repro o gandeiro dispón nunha soa pantalla de todos os datos que achega SENSEHUB^TM, que se unen aos que nos facilitan outros dispositivos como salas de muxido, programa de reprodución…etc. Desta forma, facilitamos moito o traballo, porque a comunicación entre programas é automática e bidireccional, evitando ter que duplicar o traballo de rexistro de datos e ter que consultar cada unha das aplicacións. Desde o teléfono móbil ou desde o computador pódese facer seguimento de calquera animal do rabaño de forma moito máis fácil, e relacionando os datos que me achegan os distintos dispositivos que teño instalados en granxa”, destaca a representante de UNIFORM-Agri.

Ademais, lembra que “a aplicación móbil de UNIFORM funciona con e sen conexión a internet polo que permite acceder aos datos do rabaño desde calquera lugar e pode ser utilizada de forma simultánea por varios usuarios”.

“En definitiva, con esta integración entre Uniform Agri e SENSEHUB^TM simplificamos moito o traballo ao gandeiro e permitímoslle aforrar tempo”, conclúe.

Como funciona SENSEHUB^TM?

Pola súa banda, Juan José Nuñez e Alberto Fernández, veterinarios representantes de Allflex Livestock Intelligence España, explicaron as vantaxes que achega SENSEHUB^TM para o gandeiro, xa que permite monitorear cada animal e coñecer datos de reprodución, detectar con antelación problemas de saúde, seguir o comportamento de nutrición, detectar situacións de estrés por calor ou coñecer as rutinas de grupo.

O programa SENSEHUB^TM ten distintos plans de aplicación que comeza co Young Sotck para seguir o estado de saúde dos tenreiros até os 6 meses de vida; o Starter, que monitorea a reprodución (detecta animais en celo; vacas en anestro, celos irregulares, sospeita de aborto e posibilidade de preñez); Advanced, que incorpora ao anterior datos de saúde (animais para revisar, detección de enfermidades, situacións de distress e seguimento das vacas en posparto), e a versión Premium, que engade información sobre rutinas de grupo (detección de estrés por calor, información sobre a consistencia da rumia e de rutinas de grupo).

Allflex, como empresa líder no sector, está continuamente investigado para manterse na punta de lanza da innovación. Neste sentido, está a traballar en novos algortimos para a crianza colectiva de tenreiros (en nodrizas) e para tenreiros de cabadoiro.

Datos de contacto para máis información: 

Se queres máis información sobre os produtos, podes contactarn por e-mail ou teléfono:

Programa de xestión UNIFORM-Repro:

-Almudena Molinero: almudena@uniform-agri.com ou chamando ao 695 45 67 35

Sistema de actividade SENSEHUB^TM de Allflex:

-Juanjo Núñez (Allflex España): juanjose.nunez@scrdairy.com ou chamando ao 674 46 26 04

-Franciso López-Belmonte (AZASA): azasa@azasa.es ou chamando ao 609 13 48 98