A sección ‘Noticias de empresa’ inclúe informacións de actualidade empresarial, así como as notas de prensa de firmas colaboradoras.

Ucoga asesora sobre seguros ás empresas da área empresarial do Tambre

A correduría galega impulsará xornadas e talleres para informar ás empresas do principal polígono de Santiago sobre as pólizas que mellor se adaptan as súas necesidades

Ucoga asesora sobre seguros ás empresas da área empresarial do Tambre

A Asociación Área Empresarial do Tambre e a correduría de seguros Ucoga asinaron un convenio de colaboración para mellorar os servizos que a área empresarial compostelana lle ofrece aos seus asociados. O acordo foi subscrito polo presidente de entidade empresarial, José Fernández Alborés, e o representante de Ucoga, Manuel Nieto Barreiro.

O convenio, dun ano de vixencia, céntrase en dous obxectivos fundamentais dos que se poderán beneficiar empresas asociadas á entidade empresarial e os seus propios empregados. En primeiro lugar, Ucoga ofrecerá servizos de seguros para os asociados da entidade do Tambre. En concreto, ofrecerase asesoramento independente, baseado nunha análise obxectiva e personalizada, ofrecendo os produtos que mellor se adapten ao perfil e intereses da empresa.

Un segundo punto do acordo céntrase en impulsar actuacións encamiñadas a mellorar a actividade e cooperación empresarial, información e formación, dentro dos servizos e competencias de ambas entidades. Poderán organizar conxuntamente xornadas ou talleres formativos nas instalacións do Centro Empresarial do Tambre.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información