Curso de aplicación e manipulación de produtos fitosanitarios en Lugo

Terá lugar do 12 ao 19 de setembro en horario de tarde no edificio multiusos da Xunta e permitirá obter o carné necesario para a utilización destes produtos nas explotacións

La mayoría de los viticultores en Galicia son a tempo parcial

A Oficina Agraria Comarcal de Lugo, dependente da Consellería do Medio Rural, ten previsto celebrar no Edificio multiusos da Xunta de Galicia desta cidade unha acción de formación profesional de nivel básico na aplicación e manipulación de produtos fitosanitarios. O obradoiro impartirase do día 12 ao día 19 de setembro en horario de tarde, dende as 16:00 ata as 20:30 horas.

O obradoiro aborda aspectos teóricos e prácticos. Máis concretamente, o curso busca formar aos alumnos no relativo á normativa nacional relacionada co uso sostible dos fitosanitarios en explotacións agrícolas. Ademais, os asistentes poderán poñer en práctica os coñecementos adquiridos.

Os asistentes obterán o carné de aplicador de nivel básico necesario para exercer esta actividade a nivel autonómico e estatal

A Axencia Galega da Calidade Alimentaria, a través da formación non regrada e dentro do Plan de formación continua 2022, pretende neste caso que os agricultores consigan unha formación adecuada para realizar tratamentos fitosanitarios nas súas explotacións sen emprego de persoal auxiliar. Así mesmo, tamén se pretende que os asistentes estean capacitados para obter o carné de aplicador de nivel básico necesario para exercer esta actividade a nivel autonómico e estatal.

No seguinte enlace pode atoparse o referido curso e facer a pre-inscrición en liña cubrindo os datos necesarios. O coordinador poñerase en contacto coas persoas interesadas a través do correo electrónico comunicándolles se están ou non admitidas. Para consultar calquera dúbida, pode chamarse ao teléfono 982 294 934, ou enviar un correo a oac.seca.lugo@edu.xunta.gal.

Deixa unha resposta

O teu enderezo electrónico non se publicará Os campos obrigatorios están marcados con *

Solicitamos o seu permiso para obter datos estadísticos da súa navegación nesta esta web, en cumprimiento do Real Decreto-ley 13/2012. Si continúa navegando consideramos que acepta o uso das cookies. OK | Máis información