O Diario Oficial de Galicia (DOG) publica hoxe unha orde da Consellería do Medio Rural pola que se amplía a dotación orzamentaria das axudas aos plans de reestruturación e reconversión da viña en Galicia.
Así, para poder atender todas as solicitudes, pásase dos iniciais 1,1 millóns de euros a 3,5 millóns, o que supón multiplicar por tres o importe consignado nun primeiro momento. Con esta nova achega, está previsto aprobar, nos vindeiros días, todas as peticións que cumpren os requisitos da orde en teñen toda a documentación completa.
Ademais desta ampliación de crédito, na orde publicada hoxe tamén se introducen unha serie de modificacións de carácter técnico para adaptar a convocatoria á nova normativa europea e nacional de aplicación.
Enlace á orde no DOG:
https://www.xunta.gal/dog/Publicados/2020/20201221/AnuncioG0426-171220-0001_gl.html