O Concello de Coristanco (A Coruña) organiza os días 6 e 7 de marzo unhas Xornadas Técnicas sobre a Pataca. As sesións abordarán temas como os sistemas de plantación ou a experiencia doutras rexións produtoras de pataca.
As xornadas celebraranse no Edificio Municipal de Usos Múltiples de Coristanco aínda que tamén inclúen visitas a plantacións da zona. As persoas interesadas en participar deben inscribirse no correo(arroba)coristanco.gal ou chamando ó 981 733 001.
A iniciativa conta coa colaboración da Consellería de Medio Rural, a IXP Pataca de Galicia, o Centro de Promoción Rural –EFA Fonteboa, a Asociación de Produtores de Pataca de Coristanco (Apropaco) e a Federation Régionale de MFR de Bretagne.
A continuación, detallamos o programa de actividades das xornadas:
Venres 6 de marzo
9.30 horas. Recepción e entrega de documentación.
9.45 horas. Presentación das xornadas. Juan Carlos García Pose, alcalde de Coristanco.
10.00 horas. Importancia da pataca na economía local. Consellería de Medio Rural – Indicación Xeográfica Protexida.
11.00 horas. Labores preparatorias na plantación: sistemas e procedementos. Consellería de Medio Rural.
12.00 horas. Experiencia de Bretaña.
-Importancia da produción de pataca na economía da rexión.
-Labores de cultivo.
-Organización e xestión dos labores por medio de agrupacións de produtores, cumas...
-Canles de comercialización convencionais e alternativos:
Jean Yves Tessier, agricultor e produtor de patacas.
Philippe Dolo e Yvon Nedelec, asesores agronómicos especialistas no cultivo da pataca e técnicos de Bretagne Plants.
14.00 horas. Xantar
16.00 horas. Visitas a plantacións de patacas da zona: aspectos técnicos do cultivo e labores.
19.30 horas. Remate da xornada.
Sábado 7 marzo
10.00 horas. Encontro con responsables de empresas de distribución.
11.30 horas. Conclusións das xornadas e propostas de novas accións formativas.
Cancelación das xornadas polo coronarivus
As xornadas técnicas sobre a pataca que ían celebrarse nesta primeira semana de marzo no concello ourensán de Xinzo da Limia e no coruñés de Coristanco pospóñense ata novo aviso. O motivo é que os produtores da Bretaña francesa que tiñan previsto acudir para explicar o seu xeito de traballar decidiron cancelar a viaxe por prevención, atendendo ás recomendacións do seu país de orixe ante a enfermidade do coronavirus
As xornadas ían ter lugar en Xinzo este xoves día 5, e os días 6 e 7 en Coristanco. Ambos encontros ían contar coas intervencións de técnicos da Consellería do Medio Rural, en colaboración coa IXP Pataca de Galicia e os dous consistorios.
A Consellería informará das novas datas destas xornadas técnicas unha vez queden pechadas con todos os participantes.