O Pazo de Cultura de Pontevedra acollerá o sábado 30 unhas xornadas adicadas a analizar as liñas de traballo actuais que hai sobre o monte e as perspectivas de futuro. O evento, organizado polo Concello de Pontevedra, leva por título ‘Tecendo redes: estratexia forestal de Pontevedra’.
A xornada contará con dous bloques, un de mañá, no que participarán centros de formación e investigación, adicado a explicar as liñas actuais de traballo no monte; e un segundo, á tarde, no que falarán propietarios, colectivos empresariais e Administración.
O programa é o seguinte:
Bloque 1. Liñas de traballo do sector forestal
9.45 horas – Presentación da xornada. Concello de Pontevedra.
10 h. - Intervención do Centro de Formación e Experimentación Agroforestal de Lourizán (Isabel Bernad, directora do Centro).
10.40 h. - Escola de Enxeñería Forestal (Universidade de Vigo) – Juan Picos, director da Escola.
11.20 h. – Pausa.
11.40 h. – Estación Fitopatolóxica de Areeiro (Deputación de Pontevedra) – Pedro Mansilla, director da Estación.
12.20 h.– Misión Biolóxica de Galicia (Csic) - Rafael Zas, xefe do Servizo de Xenética e Ecoloxía Forestal.
13 h. – Centro de Investigación Forestal de Lourizán. - Enrique Martínez (director do Centro).
Bloque 2 – O sector forestal en Pontevedra
16 h. - A propiedade comunal. - Iván Pérez. Presidente da Mancomunidade de Montes de Pontevedra.
16.15 h. - A propiedade privada. - Luciano Guimeráns, presidente da Asociación de Propietarios de Montes do Morrazo.
16.30 h. - Clúster da Madeira e o Deseño de Galicia. José Manuel Iglesias (presidente do Clúster).
16.45 h. - O sector servizos: Serfoga – Alejandro Arias, tesoureiro da Asociación de Empresas de Servizos Forestais de Galicia.
17 h. - Consellería do Medio Rural. - Manuel Gutiérrez, xefe provincial do servizo de prevención e defensa contra incendios forestais.
17.15 h. - Debate: Tecendo a rede. Modera Demetrio Gómez (Concello de Pontevedra).