A sede da Aula de Produtos Lácteos (Universidade de Santiago), ubicada en Lugo, acollerá entre o luns 29 e o mércores 31 de maio un curso teórico práctico sobre a elaboración de queixo láctico / enzimático. A actividade diríxese a cuestións como explicar a importancia dos diferentes compoñentes do leite desde o punto de vista químico e microbiolóxico.
No curso, abordarase tamén a mecánica de coagulación do leite e a importancia dos factores asociados, e transmitiranse as operacións de limpeza requeridas para garantir a hixiene.
A actividade ten un prezo de 180 euros. O programa completo das xornadas é o seguinte:
Luns 29
9-11 horas: Composición físico química e microbiolóxica do leite.
11-14 horas: Fundamentos da tecnoloxía queixeira.
15.30-17.30: Tecnoloxías específicas de fabricación de queixos.
Martes 30
9-17.30 h: Elaboración de queixo láctico e enzimático.
Mércores 31
9-11 h. Acondicionamento e envasado de queixos elaborados.