A sede do Centro Tecnolóxico Agroalimentario de Lugo acollerá o xoves 26 deste mes o seminario “Técnicas de análises microbiolóxico: optimización de custos e do tempo en industria alimentaria”, unha actividade que organiza Bioser coa colaboración do CETAL, entre outras entidades.
Os asistentes poderán coñecer novos métodos de análises microbiolóxico, o seu fundamento e as súas aplicacións e os requisitos legais, e recibirán as ferramentas necesarias para seleccionar o máis adecuado, co obxectivo de garantir a inocuidade alimentaria tanto en materias primas como en produtos finais e en superficies en contacto cos alimentos.
O programa, que se atopa dispoñible nas páxinas web de Bioser (www.bioser.com) e do CETAL (www.cetal.es), estrutúrase en dúas sesións teórico-prácticas: o control microbiolóxico dos alimentos e a optimización de recursos no control de patóxenos alimentarios, que terá lugar das 9.00 ás 14.00 h, e a xestión dos alérxenos na industria alimentaria, a partir das 15.00 e ata as 16.30 h.
O prazo de inscrición finaliza o 19 de novembro.