O vindeiro 14 de decembro presentaranse en Xinzo de Limia os resultados preliminares do proxecto “SoilDiverAgro: Mellora na produción de pataca”.
Esta xornada, que se celebrará no Centro de Desenvolvemento Agrogandeiro en horario de 16:00 a 19:00 horas, ten como obxectivo prioritario a presentación dos resultados preliminares do proxecto SoildiverAgro, que poden axudar a mellorar os rendementos da produción de pataca en Galicia. Preténdese, ademais, animar a agricultores e outros actores interesados a unirse á comunidade SoilDiverAgro e contribuír á mellora e optimización das técnicas propostas.
O proxecto SoildiverAgro ten como principais obxectivos a adopción de novas prácticas de xestión e sistemas de cultivo que melloren a biodiversidade xenética e funcional do solo, reduzan o uso de insumos externos e aumenten, ao mesmo tempo, a produción e a calidade dos cultivos, a prestación de servizos ecosistémicos e a estabilidade e resistencia da agricultura da Unión Europea.
Velaquí o programa: