O Sindicato Labrego Galego organiza para este sábado, 16 de marzo, en Melide, unha xornada de enxertos en froiteiras autóctonas.
Esta xornada, que comezará ás 16:00 horas, enmárcase dentro do proxecto de recuperación de froiteiras autóctonas, especialmente variedades locais de maceiras e de pereiras, na Terra de Melide e na comarca de Arzúa, no que está a colaborar o Sindicato Labrego Galego.
Todas as persoas que participen, ademais de aprender a enxertar, poderán levar para casa as froiteiras para plantalas onde queiran. Para participar é preciso inscribirse chamando ao 686 936 429.