Un viño amparado pola Denominación de Orixe Valdeorras, "Sorte O Soro 2020", elaborado pola adega Rafael Palacios, é o primeiro de Galicia en lograr 100 puntos na prestixiosa publicación estadounidense The Wine Advocate, elaborado por Robert Parker. Soamente 20 viños españois lograron esta puntuación desde que se fundou a publicación no ano 1978.
"Sorte O Soro 2020" elabórase a partir das uvas dunha parcela situada no val de Bibei, en Santa Cruz de O Bolo. As cepas son de variedade godello e teñen 44 anos de antigüidade. A variedade xunto coa localización, a 710 metros de altitude e nun solo de areas finas de granito e cuarzo outorgan un carácter moi singular a este viño.
O viño que logrou os 100 puntos Parker se fermenta en barricas novas de 500 litros de carballo francés e a anada do 2020 ten unha crianza de sete meses. O viño pode obterse no mercado por un prezo aproximado de 200 euros
O informe elaborado por Luís Gutiérrez, o crítico abulense que outorga a puntuación da revista en España, destaca de "Sorte O Soro 2020" : «As estrelas aliñáronse para producir un viño impresionante. (..) O nariz é doutro mundo. Ten un bonito e fragante toque crítico de pel de pomelo rosa que o fai punzante e súper atractivo, con aromas de magnolia e flores brancas».