Ternera Gallega cumpre esta primavera os seus 30 anos cunha fortaleza que non ten igual entre os selos de carne da UE. A Indicación Xeográfica Protexida (IXP) galega, que representa o 55% da carne de vacún comercializada en España con IXP, pechou o 2019 cun novo récord de ganderías inscritas, 8.298 (99 máis que o ano anterior) e de animais marcados en campo (135.263, o que supón 2.365 máis que o anterior exercicio). O presidente do seu Consello Regulador, Jesús González, vén de presentar o balance da marca e os retos para este ano.
Os retos que se lle presentan a Ternera Gallega resumiunos González en tres puntos: consolidar mercados, aumentar prezos no campo e fortalecer a imaxe pública do selo.
Mercado
O primeiro reto pasa por manter mercado nun contexto de presión da opinión pública sobre a actividade gandeira e de novas tendencias gastronómicas, cun menor emprego da carne. Durante o 2019, Ternera Gallega medrou no campo pero no mercado baixou lixeiramente -menos dun 0,5%- en canais certificadas (96.100) e en toneladas comercializadas (21.235).
“Existe unha forte presión sobre o consumo de carne, pero mesmo nese contexto, comprobamos que o consumidor aposta polos produtos de calidade certificada, o que nos permite manter a cota de mercado”, subliña Jesús González.
A IXP comercializa un 46% da carne en Galicia, un 51% no resto de España e un 3% no estranxeiro (Portugal, Andorra e Alemaña). En Alemaña, Ternera Gallega continuará traballando este ano para consolidar o mercado, valorando tamén a perspectiva de abrirse a enclaves próximos, coma o suizo ou o do norte de Italia.
Prezos no campo
O segundo reto sitúao o presidente da IXP en mellorar os prezos no campo. “É fundamental que melloren os prezos no campo, pois dese prezo depende a continuidade de moitas explotacións gandeiras. Nos últimos dous anos mantivemos unha certa estabilidade de prezos, pero é necesaria unha mellora” -salienta González-. “Falamos de melloras que poden ser significativas para as granxas, dun 5-10% do valor, pero que a penas terían impacto no consumidor”, valora.
Como se poden mellorar os prezos no campo?. “O prezo está relacionado coa oferta e a demanda. Unha mellora das cotizacións ten que ir ligada á apertura de novos mercados”, sinala González, que tamén destaca como clave que a industria cárnica galega aposte por produtos de maior valor engadido. “Traballamos moito en canais, medias canais, pezas e fileteado, pero hai que ir ós produtos elaborados e mesmo precociñados”, considera.
Outro paso para mellorar prezos pasa pola desestacionalización da produción, pois a maior oferta habitual na primavera repercute nunha baixada das cotizacións. No último ano, entre primavera e outono houbo un arco de ata 20 céntimos de diferencia nos valores marcados pola Mesa de Ternera Gallega. “Hai meses de 14.000 animais e outros de 7.000 animais. Iso xera intres de case excedentes e outros de escaseza que supón tensións no mercado”, advirte González, que lembra que o cliente de Ternera Gallega demanda estabilidade no suministro.
Os esforzos da IXP por avanzar na programación de partos tiveron ata o de agora un éxito limitado, pero Ternera Gallega volverá este ano a traballar nesa liña
Imaxe
En relación coa mellora de mercados e de prezos no campo está a terceira pata na que se ten que sustentar o selo, a súa imaxe pública. “Tranmitir a idea de sustentabilidade é fundamental. Este ano faremos especial fincapé no benestar animal e tamén hai que atender á sustentabilidade ambiental e á reducción de uso de medicamentos”, sinala Jesús González.
De cara ó consumidor, o presidente da IXP destaca ademais a importancia de trasladar as virtudes da carne de Ternera Gallega, un produto fresco e de calidade certificada, no marco dunha dieta equilibrada. “Nunca lle dixemos ó consumidor que coma só carne, pero sí que consuma carne de calidade no marco dunha dieta equilibrada”, incide González.
[box style="0"]
Vaca Galega / Boi Galego progresa, pero non o suficiente
A nova IXP Vaca Galega / Boi Galego rematou o 2019 con 796 explotacións inscritas (113 máis que o anterior exercicio) e 28 industrias (5 máis). “Temos un crecemento lento e faise necesario un maior compromiso da industria para impulsar este selo”, valora Jesús González, presidente do Consello Regulador das IXPs de Vacún de Galicia.
O selo Vaca Galega / Boi Galego está polo de agora no mercado cunha protección nacional transitoria, á espera de que se peche o proceso burocrático de recoñecemento a nivel europeo, unha cuestión que se retrasou por cuestións coma o Brexit ou as eleccións europeos, pero que a IXP espera que quede pechada nos próximos meses.
Dos animais inscritos na IXP, un 44% son de Rubia Galega, un 38% cruces, un 14% frisóns e un 4% doutras razas. A principal cuestión que está incidindo no prezo das canais certificadas, segundo González, é o grao de engraxamento das canais, moi importante no vacún maior. Un 50% das canais tiñan un grao 3, un 42% o grao 4 e un 7,7% o 5, o máis alto. En conformación, “un parámetro menos importante a nivel de prezo” -segundo a IXP-, un 54% foron R (Boa), un 22,8% O (Menos boa) e O+ e un 22,7% U (Moi boa). Tamén houbo un 0,4% de E (Excelente).
[/box]
[caption id="attachment_112029" align="aligncenter" width="660"]
[box style="0"]
Máis información
[/box]