A Agencia Española de Seguridad Alimentaria y Nutrición (Aesan) vén de anunciar que a Xunta de Galicia procedeu a suspender cautelarmente a fabricación de produtos lácteos en Casa Macán (Taboada, Lugo) tras detectar “incumprimentos graves que non permiten garantir a seguridade dos produtos elaborados”.
Estos produtos están sendo retirados dos puntos de venda e recoméndaselle ós consumidores que, no caso de telos na casa, se absteñan de consumilos e procedan a devolvelos ó establecemento onde os mercaron. En calquera caso, segundo a información dispoñible pola Agencia, non existe entre os consumidores ningún caso asociado a esta alerta.
Como consecuencia do control oficial realizado pola Xunta, suspendéronse na industria tódalas actividades e ordenouse a retirada de tódolos produtos elaborados. Están afectados por esta alerta os seguintes lácteos da firma lucense: manteca cocida de vaca, queixos da DO Arzúa Ulloa e Tetilla, queixo galego en lonchas e queixo barra Costeño.
Polos datos que ten a Agencia, son produtos que foron comercializados en Galicia, Castilla La Mancha y Cataluña. A alerta foi transmitida pola Administración a tódalas comunidades autónomas para que procedan á retirada dos produtos.
[box style="0"]
Actualización (Mércores 12 - 20 horas)
Casa Macán anuncia a reanudación da actividade tras solventar as principais deficiencias detectadas.
[/box]