O prezo máximo foi de 3.750 euros que se pagou por un exemplar, 1.750 por riba do arranque da poxa, e un prezo medio para esta poxa de 3.020 euros. Tres dos cinco animais foron adxudicados en máis de 3.000 euros e houbo 32 tarxetas de posibles compradores de toda a provincia.
Co prezo de saída en 2.000 euros arrincou a poxa dos cinco exemplares, dos cales dous vendéronse en 2.550 euros; mentres que outros tres superaron os 3.000 euros, chegándose a pagar 3.050, 3.200 e 3.750 euros por animal, unha das cotizacións máis altas que se lembran, despois da poxa nacional de Adai, que se celebra no Corgo.
As xovencas, de entre 24 a 28 meses de idade e preñadas de 7 e 8 meses, foron parar a explotacións de Ribadeo, Baralla, Pedrafita do Cebreiro e Vilalba. A que conseguiu o récord foi a parar a Friol, á explotación Penín Puente S.C, unha das ganderías que máis premios está a lograr nos últimos anos.