A Consellería do Medio Rural e do Mar decretou como época de alto risco de incendios forestais dende o pasado mes de xullo ata o mes de setembro. Segundo a lexislación vixente, esta declaración supón as seguintes obrigas e prohibicións nos terreos forestais:
1 Está condicionado o acceso ao monte de persoas e vehículos.
2 É obrigatorio identificarse ante os axentes, cando o Índice de Risco Diario de Incendio Forestal (IRDI) sexa moderado ou alto.
3 É obrigatorio pedir autorización para traballar con maquinaria non forestal nin agrícola que poida soltar faíscas.
4 Está prohibido facer fogueiras ou usar utensilios que xeren lume, tanto para cociñar como para iluminar.
6 Está prohibido fumar ou facer lumes ou queimas.
Para dar alarma de incendio forestal chame ao teléfono 085, a chamada é gratuíta.