A subasta de produtos lácteos da plataforma Global Dairy Trade, a principal referencia no mercado internacional do sector, experimentou a segunda suba consecutiva dos prezos tras máis de cinco meses de caídas continuas das cotizacións. Os prezos remontaron na sesión de onte un 10%, se ben, as cotizacións dos produtos de referencia no mercado internacional seguen en niveis moi baixos. O leite en po desnatado cotizou onte no entorno de 1,70 dólares o quilo (1,50 euros), un valor inferior ós prezos medios pagados na actualidade en Europa (1,7 euros/ kg.) –segundo os datos do Observatorio Lácteo da UE-.
O Global Dairy Trade, operado pola multinacional neozelandesa Fonterra, unha das maiores industrias lácteas do mundo, experimentou na sesión de onte melloras en case todos os produtos a subasta. O queixo chedddar aumentou un 4%, a manteiga subiu un 8% e o leite en po arredor do 12%.
[caption id="attachment_14149" align="aligncenter" width="660"]
O repunte consolida un leve cambio de tendencia, logo de que a comezos de agosto o índice do Global Dairy Trade tocase fondo ata o valor máis baixo rexistrado nos últimos dez anos.
Tal situación levou a analistas do sector a propoñer a suspensión temporal da subasta, se ben o operador do Global Dairy Trade advertiu de que a caída das cotizacións era un síntoma do mercado non imputable á subasta e decidiu seguir adiante co calendario de traballo habitual, unha subasta cada dúas semanas. A próxima será o 15 de setembro.