O Recinto Feiral de Amio, en Santiago, acolleu este 25 de xullo, a Feira de Gando Equino, Asnal, Ovino e Caprino do Apóstolo. Nesta edición contabilizáronse un total de 464 animais: 219 cabalos e eguas para a vida, 184 eguas e cabalos para abasto; 17 burros, 22 reses de ovino menor e outras tantas de caprino menor.
En canto ós prezos medios, os cabalos e eguas para a vida acadaron os 1.465 euros, mentres que no caso do gando para sacrificio baixou ós 807 euros. O prezo dos burros situouse nos 762 euros de media, o do gando ovino foi de 90 euros e o do caprino 50 euros por animal.
O valor estimado do mercado ascendeu a 485.357 euros, dos que 469.323 euros corresponden ó valor das ventas de cabalos e eguas ( 320.835 euros procedentes de animais para a vida e 148.488 euros dos de abasto). As ventas de gando asnal supuxeron 12.954 euros, as de gando ovino foron de 1.980 euros e as de caprino de 1.100 euros.