O Ministerio de Agricultura acaba de publicar a “Guía técnica para a loita e control da varroose e uso responsable de medicamentos veterinarios contra a varroa”.
A publicación, que é gratuíta e pódese descargar desde esta ligazón, foi redactada pola Dirección Xeral de Sanidade da Produción Agraria-Subdirección Xeral de Sanidade e Hixiene Animal e Trazabilidade.
O obxectivo da guía é proporcionar ao apicultor, veterinario e técnico apícola un documento práctico sobre a enfermidade e métodos sustentables para o seu control, así como recalcar a importancia do uso responsable dos medicamentos veterinarios contra a Varroa co fin de optimizar os seus efectos e protexer a saúde das colonias de abellas.
Do mesmo xeito, anímase ao apicultor na aplicación dunha loita integrada contra a varroose, cuxo propósito é manter a infestación por baixo de niveis que produzan danos e minimizar o uso de acaricidas.