A Asociación de Desenvolvemente Rural Comarca de Lugo (GDR 4) impartirá a partir do luns 28 de agosto un curso gratuíto sobre a “Aptitude empresarial agraria”. Está dirixido a todas persoas interesadas en crear unha nova explotación agraria, ou en incorporarse a unha xa existente.
O curso, que terá unha duración de 250 horas e que se impartirá integramente no Centro Sociocultural de Friol, está financiado pola Consellería do Medio Rural, Agader, o Fondo Europeo Agrícola de Desenvolvemento Rural e o Ministerio de Agricultura e Pesca, Alimentación e Medio Ambiente.
Temario
Os contidos estarán divididos en oito módulos:
- A empresa agraria
- Xestión técnico-económica da empresa agraria
- Asociacionismo, comercialización e trazabilidade
- Relacións laborais e prevención de riscos
- Sensibilización medioambiental
- Agrotecnoloxía
- Produción de forraxes e alimentación do gando
- Produción de leite e manexo do gando
Se necesitan máis información, poden poñerse en contacto coa Asociación de Desenvolvemento Rural Comarca de Lugo, no teléfono 982 238 000 ou no correo electrónico info@comarcadelugo.gal