O Fondo Español de Garantía Agraria (FEGA) acaba de publicar na súa páxina web oito fichas técnicas actualizadas que queren ser unha "guía práctica para a toma de decisións ante o período de presentación da solicitude única de axudas" previstas na Política Agrícola Común (PAC) 2015/20.
As notas céntranse na figura de "O agricultor activo e a actividade agraria" e en aspectos como a "Asignación de dereitos de pago básicos", "O pago para prácticas beneficiosas para o clima e o medio ambiente", as "Axudas asociadas á produción" ou as "Axudas aos novos agricultores na nova PAC". O "Réxime de pequenos agricultores na nova PAC", a "Condicionalidade" e "Preguntas e Respostas sobre a aplicación da PAC" son os outros títulos que o FEGA acaba de actualizar.