Llorenç Bosch Pons, de Ciudatella de Menorca (Baleares), venceu esta tarde no XXXVI Concurso Internacional de Xóvenes Manexadores “Memorial Luís Louzao”, que se celebrou no marco da IV Feira Profesional de Maquinaria, Agricultura e Gandería, Abanca Cimag-GandAgro 2023, que conclúe este sábado en Silleda.
A subcampioa nesta edición foi Lorena Iglesia Vila, de A Pastoriza (Lugo), que tamén acadou o segundo posto esta mañá no XIV Concurso Internacional de Preparadores de Gando Frisón. En canto á Mención de Honra foi para Javier García Sánchez, de San Vicente de la Barquera (Cantabria).
[caption id="attachment_193748" align="aligncenter" width="660"]
Organizado pola Federación Frisona Galega (FEFRIGA) coa colaboración da Fundación Semana Verde de Galicia, o concurso ten como obxectivo que os participantes demostren a súa habilidade na presentación en pista dos animais. O bo manexador é aquel que coñece á perfección a morfoloxía dos seus animais e despois dunha correcta doma, preparación e pelado, é capaz de facer resaltar as virtudes do exemplar que presenta, minimizando ao mesmo tempo os posibles defectos que poida ter.
[caption id="attachment_193751" align="aligncenter" width="660"]
Ao concurso, patrocinado por Mapfre, concorreron 31 participantes de Galicia, Asturias, Cantabria e Baleares. Foron xulgados por Brian Carscadden, da Asociación Holstein de Canadá.
Xóvenes Preparadores
Esta mañá tivo lugar tamén o Concurso de Preparadores, no que venceu Lorena Rodríguez, da Pastoriza (Lugo).
https://www.campogalego.gal/lucense-lorena-rodriguez-campioa-concurso-de-preparadores-de-gandagro/