A Federación Rural Galega (Fruga) celebrará a súa II Asamblea Xeral o próximo 29 de marzo no Pazo de Feiras e Exposicións de Lugo. O congreso servirá para renovar os cargos de dirección da organización, así como para facer balance do traballo feito desde a anterior asamblea, celebrada no 2012, e para deseñar os proxectos futuros de traballo.
O coordinador da Fruga, Manuel da Cal, sinala que no Congreso se presentarán tamén tres velatorios sobre gandeiría, producións vexetais e sobre a revitalización do rural. “Con revitalización do rural, referímonos a toda a xente que está apostando por proxectos de incorporación á actividade agraria e que quere vivir no rural e do rural”, explica da Cal.
A asamblea celebrarase entre as 10.30 e as 14.30 horas.