A Consellería de Medio Rural ven de remitir a Campo Galego un listado con 260 cursos programados para 2016 para a obtención do carné de usuario profesional de produtos fitosanitarios. Boa parte deles son para a renovación do carné, tanto do nivel básico como do cualificado.
O programa de cursos concéntrase principalmente de febreiro a xuño nas catro provincias galegas. Dende a Consellería de Medio Rural matizan en todo caso que esta relación de 260 cursos “son os que están programados a día de hoxe”. “Pero a programación de cursos vai continuar, e serán máis os que se desenvolvan ao longo do ano, pero hai que ir programando de xeito progresivo estas accións formativas”. subliñan.
[box style="0"]
Podes descargar aquí un documento Excel cos 260 cursos programados pola Consellería a día de hoxe.
Descarga aquí o mesmo documento en PDF
[/box]