O Grupo Lactalis, líder mundial no sector lácteo, prevé duplicar a recollida de leite ecolóxico pasando dos 9 millóns de litros actuais a alcanzar en 2020 os 20 millóns de litros, que se comercializarán en España baixo a marcha Puleva Eco. Así o anunciaron os responsables da multinacional francesa na Primeira Convención de Gandeiros de Leite Ecolóxico celebrada en Vilalba (Lugo).
O aumento progresivo na recollida producirase grazas á reconversión de 30 gandeiros que se sumarán aos 50 que xa están certificados para a produción ecolóxica. Estes 80 gandeiros están localizados principalmente en Galicia, aínda que a compañía tamén colabora con explotacións en Asturias, Cantabria e Cataluña.
Os prezos para os gandeiros mantéñense na contorna dos 0,50 euros o litro e con contratos a un ano para os produtores que xa están certificados. A crecente demanda do leite ecolóxico, impulsada pola campaña publicitaria de Puleva Eco, levou mesmo este verán neste outono a unha escaseza deste produto no mercado, debido ao descenso da produción por mor da seca dos pastos.
O Grupo Lactalis comezou a recoller leite ecolóxico en España a dous gandeiros en 1999, cando a comercializaba baixo a marca Président. En 2011 chegou ao mercado Puleva ECO, que é a verdadeira dinamizadora do mercado e líder actual da categoría cunha cota de mercado do 57,1%.
Lactalis prevé lanzar novos produtos con leite ecolóxico
Os alimentos ecolóxicos son unha das categorías con maior expansión a nivel mundial. En España, as vendas destes produtos rexistraron crecementos do 20% en 2016 e do 35% na primeira metade do 2017.
Neste sentido, un dos principais retos é conseguir producir alimentos ecolóxicos en cantidade suficiente para cubrir a demanda crecente dos consumidores españois.
“Para o Grupo Lactalis é importante seguir coa recollida de leite ecolóxico, posto que o mercado demanda cada ano máis produtos elaborados con este tipo de leite. A medida que aumentemos a recollida poderemos pensar en lanzar novos produtos non só de leite de consumo senón noutras categorías”, destacou Aurelio Antuña, conselleiro delegado do Grupo Lactalis en España.
[box style="0"]
Lactalis amplía as instalacións da súa planta de Vilalba
[caption id="attachment_54363" align="alignleft" width="300"]
A empresa Leche de Galicia SL completou durante os meses de verán a ampliación das súas instalacións en Vilalba para cumprir as súas previsións de expansión, tamén no sector do leite ecolóxico.
Así, segundo informa o xornal El Progreso, entre as reformas, substituíuse un antigo depósito de almacenamento de leite cru, que tiña capacidade para 50.000 litros, por outro novo de 120.000 litros, destinado precisamente á «recepción de leite ecolóxico procedente de granxas galegas».
As numerosas melloras realizadas permiten á láctea de orixe francesa alcanzar unha capacidade produtiva de ao redor de 320 millóns de litros na súa planta vilalbesa, tanto para leite ecolóxico como para convencional.
Ademais de duplicar a súa capacidade de almacenamento, a actuación contempla tamén a dotación dunha nova liña de pasteurización de leite, que supón un incremento da súa capacidade de procesado ata os 75.000 litros por hora.
A súa implantación levou ademais a necesidade de instalar un novo pasteurizador e unha nova desnatadora, así como equipos de bombeo e redes de tubos para permitir a circulación do leite.
O completo proxecto, que se executou dentro do recinto que xa ocupaba a planta e que requiriu un importante investimento económico, supón ademais a colocación de dous depósitos destinados ao almacenamento de nata, de 50.000 litros de capacidade, que substitúen a outros xa existentes, que só podían albergar 30.000 litros.
Lactalis tamén ampliou a zona destinada ao envasado, implantando dúas novas envasadoras, ás que se suma a instalación de dúas liñas de taponeiras, dúas máquinas de conformación de packs e dúas máquinas de asas.
[/box]